"A Dug a Dug" By Bill Keys

A Reading from IHS' Ceilidh

A Dug, a Dug
Hey,daddy, wid yi get us a dug?
A big broon Alsation? Ur a wee white Pug,
Ur a skinny wee terrier ur a big fat bull.
Aw, daddy. Get a dug. Will ye?
N whose dugll it be when it durties the flerr?
and peesn the carpet,and messes the sterr?
Its me ur yur mammyll be taen fur a mug.
Away oot an play. Yur no needin a dug.

Bit, daddy? Thur gien thum away
doon therr at the RSPCA.
Yull get wan fur nothin so ye wull.
Aw daddy. Get us a dug. Wull ye?
Doon therr at the RSPCA
Dae ye think ahve goat nuthin else tae dae
bit get you a dug that ahll huftae mind?
Yur no needin a dug. Ye urny blind!

Bit, daddy, there rerr fur guardin the hoose
an thur bettern cats fur catchin a moose,
an wee Dannys dug gies is barra a pull.
Aw, hey daddy. Get us a dug. Wull ye?
Dae ye hear im? Oan aboot dugs again?
Ah hink that yins goat dugsn the brain.
Ah know whit yell get; a skiten the lug
if ah hear any merr aboot this bliddy dug.

Bit daddy, it widnae be dear tae keep
N ahd make it a basket fur it tae sleep
N ahd take it fur runs away orr the hull.
Aw, daddy. Get us a dug. Wull ye?
Ah dont think thurs ever been emdy like you.
Ye could wheedle the twist oot a flamin coarkscrew.
Noo get doon aff mah neck. Ah dont want a hug.
Awright thats anuff. Ahll get ye a dug.
Aw daddy! A dug! A dug!

by Bill Keys
Sorry! Name can't be blank
Sorry! Email can't be blankYour email address doesn\'t seem to be valid. Best check that!

Comments21 Comments

Show All
Public Image
maureen says...
My granddaughter is doing this in primary 4. N its the first ive heard aboot it. Bliddy marvlus!! Ty bill. Brightened up a dreary afternoon for me.x
30 July 14
Public Image
Fiona says...
This poem is persuasive
28 January 15
Public Image
Taylor says...
I am leaning this poem for my Scottish assembly at my school
5 days ago
Public Image
Angel says...
I love this every one think I'm good at it
5 days ago
Public Image
amy says...
love it
5 days ago